Mere ghar ke aangan mein
Rehti hai ek pyari chidiya!
Na jaane kis desh se aayi
Itni bholii-bhalii chidiya!
Chhote-chhote pankh hai uske
Khvaab magar hai kitne saare
Usha-si sunhari aankhon se
Neele nabh ki chhattaa nihare
Na jaane usey kya hua hai
Khoii-khoii rehti hai
Maine usse puchha kayi bar
Par kuchh na kehti hai
Usey aasman tak jaana tha
Magar vo phir bhi ja na saki
Jitna hua, koshish toh ki thi
Magar ek kona bhi pa na saki
Sapno ke jaziira se
Koi usey vapas bula le
Sitaro keliye hai aasman
Koi usey ye samjha de
Pyari bholi-bhali chidiya ki
Bas itni si galti thi
Dhara pe hokar aasman ke
Khvaab kyu dekhti thi