Keh dena
Jo kuchh bhi kehna hai
Jaise bhi kehna hai
Jisse bhi kehna hai
Keh dena
Vapas lautne se pehle
Kadam thamne se pehle
Swapn jalne se pehle
Keh dena
Kuch baatein ankahi reh gayi ho agar
Kuch baatein ansuni reh gayi ho agar
Keh dena
Thodi si himmat karke
Thodi si umeed rakhke
Kya pata ek roz baad
Aasman ke anjuman mein dene ko waqt hi na rahe
Kya pata ek roz baad
Zameen ke aanchal mein dene ko zarra hi na rahe
Kya pata ek roz baad
Kuchh bhi kehne sunne ka koi arth hi na rahe
Keh dena - Laut jaane se pehle
Keh dena - Door jaane se pehle
Keh dena
Jo kuch bhi kehna hai
Jaise bhi kehna hai
Jisse bhi kehna hai